BHUPI DA KE BAGAIR BAHUT KATHIN DAUR SE GUZAR RAHI HAI ZINDAGI. PEHLI BAAR AAJ UNKE BAGAIR GHAR SE NIKALI HOON. RAVIRAJJI NE YAHAN AAMANTRIT KIYA AUR AANE KE LIYE FORCE KIYA. BHUPI KE BAARE MEIN MAIN KYA KAHOON. ITNE GUNI SANGEETAKARON KE BEECH AAKAR AAJ ACHCHHA LAG RAHA HAI.

BHUPI MERE LIYE MERI ZINDAGI KE SAB KUCH. MERA WAJOOD, MERA JO KUCH, HUM DONO EK SATH EK JODI KE ROOP MEIN BAHUT PERFORM KARTE RAHE. BUS YE JAANKAR, AUR SHAYAD BHUPI KO BHI YE EHSAAS NAHI HOGA KI UNKE JAANE KE BAAD UNKE HAZAARON, LAKHON FANS NE PHONE KIYE, KAHAN-KAHAN SE SABHI NE MESSAGES KIYE. UNKO YE ATA HI NAHI HOGA KI ITNA ACHCHA KAAM KAR KE GAYE. JAANA TOH SABKO HAI.

MAIN SABHI KA SHUKRIYA ADAA KARNA CHAHTI HOON, SOCIAL MEDIA PAR LIKHNA CHAHTI HOON LEKIN LIKH NAHI PAA RAHI HOON. BHUPI NE KYA KYA KAAM KIYA YE UNKO KHUD KO BHI NAHI PATA THA. AA SAB JAISA KI JAANTE HI HONGE, HE WAS THE MOST LOW PROFILE PERSON. UNKO DHAKKAA DENA HOTA THA. AAJ HOTE AUR YAHAAN AATE TOH PEECHHE BAITHE HOTE. MAIN HI UNKO AAGE AANE KE LIYE HAMESHA KEHTI REHI.

JAISA KI MAINE KAHA KI JAANA TOH SABHI KO HAI LEKIN ITNA ACHCHA KAAM KAR KE JAO KI KAROGE YAAD TOH HAR BAAT YAAD AAYEGI.

BHUPI NE HAMESHA SABHI KA KHYAL RAKHA. HAMARA EK BETA HAI AMANDEEP, WO BHI GUITAR BAJATA HAI, AA SAB USKE LIYE DUA KAREIN AUR AASHIRWAAD DEIN.

AAP NE MUJHE YAHAN BULAYA-THANK YOU. IT’S A GREAT HONOR TO ME.

THANK YOU AND BEST WISHES TO THIS ASSOCIATION.